الذنوب والمعاصي تضر ولابد، فإن مما اتفق عليه العلماء وأرباب السلوك أن للمعاصي آثارا وثارات، وأن لها عقوبات على قلب العاصي وبدنه، وعلى دينه وعقله، وعلى دنياه وآخرته.

اختيار هذا الخط


الذنوب والمعاصي تضر ولابد، فإن مما اتفق عليه العلماء وأرباب السلوك أن للمعاصي آثارا وثارات، وأن لها عقوبات على قلب العاصي وبدنه، وعلى دينه وعقله، وعلى دنياه وآخرته.

اختيار هذا الخط

كيف يقضي الضعيف الذي تراكم عليه الصيام

السؤال

الله يعطيكم ألف عافية يا رب، معلش رح احكي بالعامية
شكرا كتير الكم على الموقع الرائع هادا ا لله يجعلو في ميزان حسناتكم يا رب
قبل اكتر من 3 أسابيع تقريبا بعتت سؤالي الكم ولليوم ما وصلني رد، صبرت لأني متأكدة انو في كثير مشاكل بتوصلكم، بس تأخرت كتير علي معلش تحملوني
المشكلة اني ما سجلت رقم الاستشارة ومسحت الايميل كمان الي في الرقم
استشارتي كانت
اني صحيا كتير ضعيفة طولي 157 ووزني 40، لاني اخر فترة مرضت ونزل وزني اكتر من 40 بس الحمد لله صرت 40 هلء يعني افضل من 38، المشكلة انو في علي صيام ايام راحت علي من سنتين تقريبا، فترة الدورة بتتراوح عندي ما بين 5 -8 ايام افطر برمضان السنة الماضية والي قبلها والي قبلها، انا قصرت للاسف وربي يسامحني، وما عدتهم، اجمالي الايام الي لازم اصومها مع السنوات الي قبل والسنة هاي تقريبا 35 يوم، هلء المشكلة الي عندي، اني جسمي كتير ضعيف مع اني نوعا ما باكل كويس، بس للاسف ما بزيد وزني، وازا قعدت يوم واحد او يومين بس من دون اكل كويس، او قصرت بوجبة وحدة وزني بنزل ع طول، في مشاكل كتير مأثرة ع نفسيتي بين اهلي ودار حماي، وكتير بفكر بأمور وبرضو سوء تفاهم بيني وبين خطيبي، في عدة اسباب مأثرة ع صحتي ونفسيتي، كنت حابة اعرف ع شان ما يضلو برقبتي ليوم القيامة وربنا يزعل مني ويغضب علي، ع شان وضع صحتي وطبيعة وزني وجسمي، هل بإمكاني بدل ما اصوم اعمل عن الايام الي علي اني اصومها كفارة ، ممكن تعرفوني شو المناسب ع شان اعملو وما يضلو برقبتي لاني ملاقية صعوبة كتير في اني اصومهم، لاني خايفة صحتي تتعب اكتر ووزني ينزل اكتر لانو اصلا كتير قليل 40 ،خصوصا انو بعد 4 شهور ازا الله اراد رح يكون موعد عرسي، انا الي خاطبة سنة، وتأخر زواجنا بسبب توقف رواتب السلطة عندنا في فلسطين لانو خطيبي بيشتغل في السلطة للاسف، مش حابة اكون اضعف ووزني اقل من الوزن الي انا عليه، اكتر وزن وصلت الو في كل حياتي 47 انا عمري 21 سنة، ما بدي اكون اضعف بوقت عرسي لعدة اسباب مهمة، اول سبب واهم سبب الي هو صحتي لانو ضعفي مش مخلي عندي طاقة بتعب من اي عمل بقوم فيه وبعرق كمان، غير هيك، ما بدي يكون جسمي مش حلو بنظر زوجي، خصوصا انو اول ما خطبنا كانت صحتي احسن من هيك، بس لاني مرضت كتيييييييييير وجراء المشاكل الكتيرة الي صارت صحتي رجعت لورا كتير كتير للاسف، وسبب تالت، خايفة ما اتحمل الزواج، لاني بتعب بسرعة، خايفة ما ارضي زوجي من الناحية الجنسية بسبب ضعف جسمي وقلة الطاقة الي عندي لتحمل الاشياء... الله يخليكم لاقولي الحل المناسبع شان الايام الي المفروض اقضيها، ولصحتي
واحكولي كيف اخلي خطيبي يصير يصلي، ما بصلي مع انو كان يصلي زمان، بس هلء ما بصلي بالمرة، حاولت معو بكل الطرق الكويسة والهداوة وبالعصبة والتهديد، مش عارفة شو اعمل
ساعدوني الله يخليكم
رح اغلبكم معي كتير ، بس ما لقيت غيري قدامكم بعد رب العالمين
شكرا كتير الكم وتحملوني وساعدوني الله يخليكم
اسلام عليكم ورحمة الله وبركاته
زينة نوارة

الإجابــة

الحمد لله والصلاة والسلام على رسول الله وعلى آله وصحبه، أما بعـد:

فقد تقدمت إجابة هذا السؤال في الفتوى رقم:79198، وفيما يتعلق بالخوف من عدم القدرة على تحمل الزواج وعدم إرضاء الزوج من الناحية الجنسية ننصح بالكتابة إلى قسم الاستشارات في الشبكة الإسلامية.

والله أعلم.

مواد ذات صلة

الفتاوى

الصوتيات

المكتبة

بحث عن فتوى

يمكنك البحث عن الفتوى من خلال البريد الإلكتروني